ບົດຄວາມ

ເຮັດວຽກ ໜັກ, ມັນມີຜົນກະທົບຕໍ່ຮ່າງກາຍຂອງທ່ານແນວໃດ? ໃນລະຫວ່າງ covid-19 ການລະບາດຢ່າງຮຸນແຮງແບບນີ້ເຮັດໃຫ້ບັນຫາເສດຖະກິດໃນປະເທດແຂງແຮງ. ຄົນ​ສ່ວນ​ຫຼາຍ ໄດ້ຮັບຜົນກະທົບໜັກ, ຫຼາຍຄົນຕ້ອງເຮັດວຽກໜັກ ເຊົ້າສວຍແລງ ບໍ່ໄດ້ ພັກຜ່ອນພຽງພໍ ຈົນລະເລີຍຈາກການດູແລສຸຂະພາບຂອງຕົນເອງ ແລະ ມື້ນີ້ ນ້ອງກະຕ່າຍ KX ມີຂໍ້ມູນກ່ຽວກັບ ຜົນກະທົບຂອງການເຮັດວຽກຢ່າງ ໜັກ ມາຝາກໝູ່ເພື່ອນກັນ ເກີດອາການເຈັບ​ຫຼັງ ແລະ ບໍລິເວນຕົ້ນຄໍ ການເຮັດວຽກໜັກ ຈະເຮັດໃຫ້ກ້າມເນື້ອຂອງເຮົາເມື່ອຍ, ເຮັດໃຫ້ມີອາການເຈັບບໍລິເວນຫລັງ ແລະ ຕົ້ນຄໍ, ຫລືເອີ້ນອາການເຫຼົ່ານີ້ວ່າ “ອອບຟິດຊີນໂດມ” ເພາະວ່າພວກເຮົານັ່ງເຮັດວຽກເປັນເວລາດົນນານ. ແລະ ບໍ່ມີການເຄື່ອນໄຫວໃດໆ ສົ່ງຜົນໃຫ້ກ້າມເນື້ອເຕິ່ງແໜ້ນ ແລະ ອັກເສບ. ແລະ ເຮັດໃຫ້ເກີດຄວາມເຈັບປວດບໍລິເວນນັ້ນໃນທີ່ສຸດ ຫົວໃຈເຮັດວຽກໜັກເກີນໄປ ເຮັດວຽກຢູ່ໃນສະພາບຄວາມກົດດັນ ຮ່າງກາຍຜະລິດຮໍໂມນ cortisolອອກມາເຊິ່ງ ຮໍໂມນຊະນິດນີ້ມີຜົນຕໍ່ຂະບວນການຂອງລະບົບຫົວໃຈ ຄວາມສ່ຽງທີ່ຈະເປັນສາເຫດຂອງໂຣກຫົວໃຈແລະລອດເລືອດໃນສະໝອງໄດ້ ເຮັດວຽກໜັກ, ອາດເສຍສາຍຕາ ພະນັກງານເງິນເດືອນຫຼາຍຄົນຕ້ອງເຮັດວຽກຢູ່ໜ້າ ຈໍຄອມພິວເຕີເປັນເວລາດົນ. ສິ່ງນີ້ສາມາດເຮັດໃຫ້ຕາແຫ້ງ, ເຈັບຫົວ, ປວດຄໍ ແລະ ບ່າໄຫລ່, ວິທີແກ້ໄຂຄືການພະຍາຍາມຢ່າເບິ່ງຄອມພິວເຕີ້ເປັນເວລາດົນ. […]

ໃນຊ່ວງສະຖານະການທີ່ຕ້ອງພົບກັບບັນຫາເສດຖະກິດຈາກການແຜ່ລະບາດຂອງເຊື້ອໄວຣັສ COVID-19 ແບບນີ້ ການວາງແຜນການເງິນ ຈຶ່ງເປັນສິ່ງທີ່ຈຳເປັນຫຼາຍ ມື້ນີ້ ນ້ອງ ກະຕ່າຍນ້ອຍ KX ກໍໄດ້ນຳເອົາ 4 ວິທີວາງແຜນການເງິນແບບງ່າຍໆ ເພື່ອຮັບມືໃນຊ່ວງໂຄວິດມາຝາກ ໄປອ່ານກັນເລີຍ.​ 1.ກວດສະພາບຄ່ອງ ໃນທີ່ນີ້ໝາຍເຖິງ ໃຫ້ກວດເບິ່ງສະຖານະການເງິນຂອງທ່ານວ່າ ເງິນສົດທີ່ມີຢູ່ທັງຕິດໂຕ ແລະ ໃນບັນຊີ ໂດຍປະເມີນເປັນເງິນຄ່າວໆ ວ່າໄດ້ເທົ່າໃດ ເມື່ອເຮົາຮູ້ສະພາບຄ່ອງຂອງເຮົາຈະສາມາດປະເມີນໄດ້ວ່າ ເຮົາຈະຢູ່ໄດ້ໂດຍບໍ່ເດືອດຮ້ອນໄດ້ຈັກປີ, ຈັກເດືອນ ຫາກປະສົບບັນຫາອື່ນໆ. 2. ກວດຄ່າໃຊ້ຈ່າຍ ເຮັດບັນຊີຄຳນວນລາຍຮັບ, ລາຍຈ່າຍຕ່າງໆ ເຊັ່ນ ຄ່າງວດລົດ, ຄ່າຜ່ອນບ້ານ… ເມື່ອເຮົາຮູ້ຈຳນວນແລ້ວໃຫ້ລົບກັບລາຍຮັບ ຍັງເຫຼືອເທົ່າໃດກໍຕ້ອງມາແບ່ງໃຫ້ກັບ ຄ່າໃຊ້ຈ່າຍໃນຊີວິດປະຈຳວັນອື່ນໆອີກ ເພື່ອກຳນົດບໍ່ໃຫ້ໃຊ້ເງິນເກີນ. 3.ຫາລາຍໄດ້ເສີມ ຊ່ວງວິກິດແນວນີ້ ບາງຄົນກໍຖືກພັກວຽກແບບບໍ່ມີກຳນົດ, ບາງຄົນກໍຖືກຫຼຸດລາຍຮັບລົງ ສະນັ້ນ ໃນຊ່ວງນີ້ຖືເປັນໂອກາດດີໃນການສ້າງລາຍໄດ້ເສີມ ເຊິ່ງຊ່ວງນີ້ຄົນສ່ວນຫຼາຍອອກຈາກບ້ານບໍ່ໄດ້ ສະນັ້ນ ກໍຮັບເຮັດອາຫານຂາຍທາງອອນລາຍ ຫຼື ຮັບສົ່ງອາຫານກໍເປັນໄອເດຍທີ່ດີ   4. ຢຸດແຜນການລົງທຶນໄລຍະຍາວໄປກ່ອນ ສະຖານະການແບບນີ້ການມີເງິນສົດໄວ້ໜ້າຈະອຸ່ນໃຈກວ່າ ດັ່ງນັ້ນຖ້າທ່ານກຳລັງຄິດທີ່ຈະລົງທຶນໄລຍະຍາວ ກໍຄວນພິຈາລະນາໃຫ້ດີກ່ອນ ເພື່ອສັງເກດສະຖານະການ.